Rossiyada 2026/27 oʻquv yilida maktab taʼtillari bir kunga qisqaradi

Rossiya Taʼlim vazirligi 2026/27 oʻquv yili uchun tavsiya etgan maktab taʼtillarining umumiy davomiyligi 126 kun boʻladi. RIA Novosti xabariga koʻra, bu joriy oʻquv yilidagi 127 kundan bir kun kam. Reja 2–11-sinf oʻquvchilariga tegishli.

Tavsiya etilgan sanalarga koʻra, kuzgi taʼtil 26 oktyabrdan 3 noyabrgacha, qishki taʼtil 31 dekabrdan 10 yanvargacha, bahorgi taʼtil 27 martdan 4 aprelgacha, yozgi taʼtil esa 27 maydan 31 avgustgacha davom etadi. Birinchi sinf oʻquvchilari uchun 2027-yil 15–21 fevral kunlari qoʻshimcha taʼtil berilishi nazarda tutilgan.

Maktablar federal rejadan yoki mintaqaviy va etno-madaniy anʼanalardan kelib chiqib, oʻz taʼtil taqvimini tuzishi mumkin.