Россияда 2026/27 окуу жылында мектеп каникулдары бир күнгө кыскарат

Россиянын Билим берүү министрлиги 2026/27 окуу жылы үчүн мектеп каникулдарын сунуштады. РИА Новости маалымат бергендей, 2–11-класстардын окуучуларынын каникулдарынын жалпы узактыгы 126 күн болот. Бул учурдагы окуу жылындагы 127 күндөн бир күнгө аз.

Сунушталган даталар боюнча күзгү каникул 26-октябрдан 3-ноябрга чейин, кышкы каникул 31-декабрдан 10-январга чейин, жазгы каникул 27-марттан 4-апрелге чейин, жайкы каникул 27-майдан 31-августка чейин созулат. Биринчи класстын окуучулары үчүн 2027-жылдын 15–21-февралында кошумча каникул каралган.

Мектептер федералдык планды же аймактык жана этно-маданий салттарды эске алып, өз каникул календарын түзө алат.