Ресейде 2026/27 оқу жылында мектеп демалыстары бір күнге қысқарады

Ресей Білім министрлігі 2026/27 оқу жылына арналған мектеп демалыстарын ұсынды. РИА Новости мәліметінше, 2–11-сынып оқушыларының демалыстарының жалпы ұзақтығы 126 күн болады. Бұл ағымдағы оқу жылындағы 127 күннен бір күнге аз.

Ұсынылған күндер бойынша күзгі демалыс 26 қазаннан 3 қарашаға дейін, қысқы демалыс 31 желтоқсаннан 10 қаңтарға дейін, көктемгі демалыс 27 наурыздан 4 сәуірге дейін, жазғы демалыс 27 мамырдан 31 тамызға дейін созылады. Бірінші сынып оқушыларына 2027 жылғы 15–21 ақпан аралығында қосымша демалыс көзделген.

Мектептер федералдық жоспарды немесе аймақтық және этномәдени дәстүрлерді ескере отырып, өз демалыс күнтізбесін жасай алады.