Gazagystanyň täze Konstitusiýasy: Miranda ýörelgesi we syýasy durnuklylyk

Gazagystanyň Konstitusiýasyna girizilen üýtgetmeler ýurduň syýasy-hukuk ulgamyny täzelemekde we geljekki ösüş ugruny kesgitlemekde möhüm rol oýnaýar, diýip Egemen Qazaqstan ýazýar. Täze Konstitusiýa yglan edilenden soň “Miranda ýörelgesi” giň maslahat edildi. Hukukçy Nurlan Janabaýewiň aýtmagyna görä, kabul edilen norma laýyklykda hukuk goraýjy edaralar adamy tutan pursatdan başlap onuň hukuklaryny we tutulmagyň sebäplerini derhal düşündirmeli. Raýatyň dymmaga we adwokatyň kömegini ulanmaga hukugy bardygy, berilen düşündirişleriniň bolsa oňa garşy subut hökmünde ulanylyp biljekdigi hökman duýdurylmalydygy aýdylýar.

Syýasy şereh edijisi Jandos Sarsenbekow täze Konstitusiýany Döwlet Baştutany teklip eden “Güýçli Prezident – Täsirli Parlament – Hasabat berýän Hökümet” ýörelgesini doly durmuşa geçirmäge gönükdirilen möhüm ädim hasaplaýar. Ol Prezidentiň başlangyçlarynyň ýurduň bähbidine hyzmat edýändigini belläp, geosyýasy durnuksyzlyk we goňşy döwletleriň arasyndaky çaknyşyklar şertinde Gazagystan üçin içerki syýasy durnuklylygyň aýratyn möhümdigini nygtady.