Qazaxıstanın yeni Konstitusiyası: Miranda prinsipi və siyasi sabitlik

Qazaxıstan Konstitusiyasına edilən dəyişikliklər ölkənin siyasi-hüquqi sistemini müasirləşdirmək və gələcək inkişaf istiqamətini müəyyənləşdirmək baxımından mühüm rol oynayır, “Egemen Qazaqstan” qəzeti yazır. Yeni Konstitusiya dərc edildikdən sonra “Miranda prinsipi” geniş müzakirə olunub. Hüquqşünas Nurlan Canabayev bildirib ki, təsbit olunmuş norma əsasən hüquq-mühafizə orqanları şəxsi saxladığı andan etibarən onun hüquqlarını və saxlanılma səbəblərini dərhal izah etməlidir. Onun sözlərinə görə, vətəndaşın susmaq və vəkil yardımından istifadə etmək hüququ var və verdiyi izahatların əleyhinə sübut kimi istifadə oluna biləcəyi mütləq xəbərdar edilməlidir.

Siyasi şərhçi Jandos Sarsenbekov yeni Konstitusiyanı Dövlət Başçısı tərəfindən təklif olunan “Güclü Prezident – Nüfuzlu Parlament – Hesabat verən Hökumət” prinsipinin tam həyata keçirilməsinə yönəlmiş mühüm addım hesab edir. O, Prezidentin təşəbbüslərinin ölkənin mənafeyinə xidmət etdiyini bildirib və geosiyasi qeyri-sabitlik və qonşu dövlətlər arasında qarşıdurmalar fonunda Qazaxıstan üçün daxili siyasi sabitliyin xüsusilə vacib olduğunu vurğulayıb.