Qozogʻiston yangi Konstitutsiyasi: Miranda tamoyili va siyosiy barqarorlik

Qozogʻiston Konstitutsiyasiga kiritilgan oʻzgartirishlar mamlakatning siyosiy-huquqiy tizimini yangilash va kelajakdagi rivojlanish yoʻnalishini belgilashda muhim oʻrin tutadi, deb yozadi Egemen Qazaqstan. Yangi Konstitutsiya eʼlon qilingach, “Miranda tamoyili” koʻp muhokama qilindi. Huquqshunos Nurlan Jonabayev aytishicha, belgilangan meʼyorga koʻra, huquqni muhofaza qilish organlari shaxsni ushlagan paytdan boshlab uning huquqlari va ushlanish sabablarini darhol tushuntirishi shart. Uning soʻzlariga koʻra, fuqaroning jim turish va advokat yordamidan foydalanish huquqi bor hamda bergan izohlari unga qarshi dalil sifatida ishlatilishi mumkinligi albatta ogohlantirilishi kerak.

Siyosatshunos Jandos Sarsenbekov yangi Konstitutsiyani Davlat rahbari taklif qilgan “Kuchli Prezident – Taʼsirchan Parlament – Hisobdor Hukumat” tamoyilini toʻliq amalga oshirishga qaratilgan muhim qadam deb hisoblaydi. U Prezidentning tashabbuslari mamlakat manfaatiga xizmat qilishini aytdi va geosiyosiy beqarorlik hamda qoʻshni davlatlar oʻrtasidagi ziddiyatlar sharoitida Qozogʻiston uchun ichki siyosiy barqarorlik alohida ahamiyatga ega ekanini taʼkidladi.