Gyrgyzystan we BMG investisiýa çekmek boýunça hyzmatdaşlygy ara alyp maslahatlaşdy

Gyrgyzystanyň Investisiýalar boýunça milli gullugy bilen Birleşen Milletler Guramasy (BMG) investisiýa syýasatyny kämilleşdirmek, investorlaryň hukuklaryny goramak we durnukly ösüş ugurlarynda hyzmatdaşlygy ara alyp maslahatlaşdy. Kabar habar agentliginiň habar berşine görä, mesele bir gün öň gullugyň başlygynyň orunbasary Damirbek Bikulow bilen BMG-niň Gyrgyzystandaky durnukly koordinatory Braýan Uilýams arasyndaky duşuşykda gozgalypdyr.

Taraplar 2027-2030-njy ýyllar üçin investisiýa çekmek konsepsiýasyny, gullugyň ösüş strategiýasyny we investisiýa çekmek programmasyny işläp taýýarlamak meselelerini gözden geçirdi. Şeýle hem investisiýa howasyny gowulandyrmak, döwlet bilen biznesiň arasyndaky dialogy ösdürmek we infrastruktura we sosial taslamalara hususy maýa çekmek ara alnyldy.

Taraplar, şeňle-de, 2028-2032-nji ýyllar üçin BMG-niň Gyrgyzystandaky durnukly ösüş boýunça hyzmatdaşlyk programmasyny taýýarlamakda milli investisiýa ileri tutulyklaryny göz öňünde tutmak we durnukly ösüş maksatlaryna ýetmekde hususy sektoryň gatnaşygyny giňeltmek meselelerini gözden geçirdi. Duşuşygyň netijesinde taraplar hyzmatdaşlygy dowam etdirmäge we bilelikdäki başlangyçlary taýýarlamaga gyzyklanýandyklaryny bildirdiler.