Qırğızıstan və BMT investisiya cəlb edilməsi üzrə əməkdaşlığı müzakirə edib

Qırğızıstanın Investisiyalar üzrə Milli Agentliyi ilə Birləşmiş Millətlər Təşkilatı (BMT) investisiya siyasətinin təkmilləşdirilməsi, investorların hüquqlarının qorunması və davamlı inkişaf sahələrində əməkdaşlığı müzakirə edib. Kabar xəbər agentliyinin verdiyi məlumata görə, məsələ bir gün əvvəl agentliyin rəis müavini Damirbek Bikulovun BMT-nin Qırğızıstandakı daimi koordinatoru Brayan Uilyams ilə görüşündə qaldırılıb.

Tərəflər 2027-2030-cu illər üçün investisiya cəlb etmə konsepsiyasını, agentliyin inkişaf strategiyasını və investisiya cəlb etmə proqramını müzakirə ediblər. Həmçinin investisiya mühitinin yaxşılaşdırılması, dövlət və biznes arasında dialoqun inkişafı və infrastruktur və sosial layihələrə şəxsi kapitalın cəlb edilməsi məsələləri təhlil olunub.

Tərəflər, həmçinin 2028-2032-ci illər üçün BMT-nin Qırğızıstanda davamlı inkişaf üzrə əməkdaşlıq proqramını hazırlayarkən milli investisiya prioritetlərini nəzərə almaq və özəl sektorun iştirakını genişləndirmək məsələlərini müzakirə ediblər. Görüşün yekununda tərəflər əməkdaşlığı davam etdirməyə və birgə təşəbbüslər hazırlamağa maraqlı olduqlarını bildiriblər.