Özbegistanda Nawoý ýylylyk elektr stansiýasy 650 megawatt güýçli täze bug-gaz gurnamasyny gurýar

Özbegistanda “Nawoý ýylylyk elektr stansiýasy” AJ kuwwaty 650 megawatt bolan täze bug-gaz gurnamasyny gurýar. Häzirki wagtda gurluşyk we montaž işleri dowam edýär.

Loýyha işe girizilenden soň ýylda 4 milliard 786 million kilowatt-sagat elektr energiýasy öndüriler we bu durnukly elektr üpjünçiligine mümkinçilik berer. Häzirki wagtda gurluşyk prosesine 4700 ýerli we daşary ýurt hünärmeni, şeýle hem 185 sany ýörite tehnika çekilen.

Loýyhanyň umumy bahasy 786,7 million dollar. Üçünji bug-gaz gurnamasynda Ýaponiýa kompaniýalarynyň häzirki zaman gaz we bug turbinalary, utilizator gazan gurnamalary ornaşdyrylýar. Kärhananyň jogapkär işgäri Bahodir Camolov gurluşygyň iň möhüm basgançaga ýetendigini, esasy üns turba ulgamlaryna we elektrik işlerine gönükdirilendigini aýtdy. Synag işlerini dekabr aýynda geçirmek meýilleşdirilýär.