Özbəkistanda Navoi İstilik Elektrik Stansiyası 650 meqavatlıq yeni qaz-buxar qurğusu tikir

Özbəkistanda “Navoi İstilik Elektrik Stansiyası” ASC kapasitesi 650 meqavat olan yeni bir qaz-buxar qurğusu tikir. Hazırda tikinti və quraşdırma işləri davam edir.

Layihə istifadəyə verildikdə il ərzində 4 milyard 786 milyon kilovatt-saat elektrik enerjisi istehsal olunacaq və bu, sabit elektrik təchizatına imkan verəcək. Hazırda tikinti prosesində 4 700 yerli və xarici mütəxəssis, habelə 185 xüsusi texnika cəlb olunub.

Layihənin ümumi dəyəri 786,7 milyon dollardır. Üçüncü qaz-buxar qurğusunda sahədə dünyanın aparıcı şirkətlərindən olan Yaponiya şirkətlərinin müasir qaz və buxar turbinləri, utilizator qazan qurğuları quraşdırılır. Müəssisənin məsul əməkdaşı Bahodir Camolov, tikintinin ən vacib mərhələyə çatdığını və əsas diqqətin boru xətlərinə və elektrik işlərinə yönəldiyini bildirib. Sınaq işlərinin dekabr ayında həyata keçiriləcəyi planlaşdırılır.