Erdogan: Gara deňizde hüjümler kabul edilip bilinmeýär

Türkiýe Prezidenti Resep Tayyp Erdogan iş saparynyň çäklerinde Stambula gelen Ukraina Prezidenti Wolodimir Zelenskiý bilen Dolmabahçe iş edarasynda ýekeleşik duşuşyk geçirdi. Zelenskiý resmi dabara bilen garşylandy, duşuşykdan soň bolsa bilelikdäki matbugat konferensiýasy guraldy.

Erdogan Gara deňizde deňiz gatnawynyň howpsuzlygyny üpjün etmek üçin taraplar bilen gepleşikleri dowam etdirjekdigini aýtdy. Hüjümleriň kim tarapyndan we haýsy sebäpden edilmegine garamazdan, olary hiç bir ýagdaýda kabul edip bilmejekdiklerini nygtady. Urşda heläk bolanlar bilen baglanyşykly Zelenskiýe we Ukraina halkyna geçginlik bildirdi.

Ol ABŞ Prezidenti Donald Tramp tarapyndan edilýän tagallalar bilen urşy diplomatik ýollar bilen tamamlamaga gönükdirilen başlangyçlaryň çaltlaşandygyndan memnunlyk bildirdi. Adalatly parahatçylykda hiç kimiň ýeňilmejekdigini nygtaýan Erdogan, Ukrainany terk etmedik kompaniýalaryň ýurdy dikeltmäge möhüm goşant goşjakdygyny aýtdy we sapary üçin Zelenskiýe minnetdarlyk bildirdi.