Ердоған: Қара теңіздегі шабуылдар қабылданбайды

Түркия Президенті Режеп Тайып Ердоған жұмыс сапарымен Стамбулға келген Украина Президенті Владимир Зеленскиймен жеке кездесу өткізді. Кездесуден кейін бірлескен баспасөз конференциясы ұйымдастырылды.

Ердоған Қара теңіздегі кеме қатынасының қауіпсіздігін қамтамасыз ету үшін тараптармен келіссөздерді жалғастыратынын айтты. Шабуылдарды кімнің және қандай себеппен жасағанына қарамастан, оларды ешбір жағдайда қабылдай алмайтындарын атап өтті. Соғыста қаза тапқандарға байланысты Зеленскийге және Украина халқына көңіл айтты.

Ол АҚШ Президенті Дональд Трамптың күш-жігерімен соғысты дипломатиялық жолмен аяқтауға бағытталған бастамалардың жеделдегенінен қанағаттану білдірді. Әділетті бітімде ешкімнің жеңілісі болмайтынын айтқан Ердоған, Украинаны тастамаған компаниялар елді қалпына келтіруге маңызды үлес қосатынын атап өтіп, сапары үшін Зеленскийге алғыс айтты.