Эрдоган: Кара деңиздеги кол салуулар кабыл алынгыс

Түркиянын Президенти Режеп Тайып Эрдоган иш сапары алкагында Стамбулга келген Украинанын Президенти Владимир Зеленский менен Долмабахче иш кеңсесинде жеке жолугушту. Зеленскийди расмий салтанат менен тосуп алышты, жолугушуудан кийин биргелешкен басма сөз конференциясы өттү.

Эрдоган Кара деңиздеги кеме катнашынын коопсуздугун калыбына келтирүү максатында тараптар менен сүйлөшүүлөрдү улантарын билдирди. Кол салууларды ким жана кандай себептен жасаганына карабастан, аларды эч кандай учурда кабыл ала албай тургандыгын баса белгиледи. Согушта каза болгондорго карата Зеленскийге жана Украина элине көңүл айтты.

Ал АКШ Президенти Дональд Трамптын аракеттери менен согушту дипломатиялык жол менен аяктоого багытталган демилгелердин ылдамдагандыгынан канааттанаарын билдирди. Адилеттүү тынчтыкта эч кимдин жеңилиши болбойт деп белгилеген Эрдоган, Украинаны таштаган эмес компаниялар өлкөнү калыбына келтирүүгө маанилүү салым кошорун айтып, сапары үчүн Зеленскийге ыраазычылык билдирди.