Azerbaýjanyň 2027-nji ýyl döwlet býudjeti Milli Mejlisde ara alynar

Azerbaýjanyň Milli Mejlisinde “Azerbaýjan Respublikasynyň 2027-nji ýyl döwlet býudjeti hakda” kanun taslamasynyň ara alnyşy başlanýar. Trend habar berişine görä, taslama noýabryň 4-nde parlamentiň Ykdysady syýasat, senagat we telekeçilik komitetinde ara alnar.

Taslama boýunça döwlet býudjetiniň girdejisi 39 milliard 254 million manat, çykdajysy 42 milliard 400 million manat bolup kesgitlenýär. 3 milliard 146 million manatlyk kemçilik hususylaşdyrmadan we beýleki çeşmelerden girdejiler, içerki we daşarky karzlar, şeýle hem 2027-nji ýylyň 1-nji ýanwaryna býudjetiň wagtlaýyn galyndysy hasabyna maliýeleşdiriler. Iň uly girdeji çeşmeleri goşulan baha salgydy (9 milliard 386 million manat), hukuk şahslarynyň peýda salgydy (6 milliard 983 million manat) we fiziki şahslaryň girdejilerinden salgyt (3 milliard 70 million manat).

Çykdajylarda ykdysady işjeňlige 8 milliard 907,3 million manat, goranmaga we milli howpsuzlyga 8 milliard 816,4 million manat, bilim ulgamyna 5 milliard 99 million manat, sosial goraga we sosial üpjünçilige 4 milliard 914 million manat, saglygy goraga bolsa 2 milliard 84,1 million manat göz öňünde tutulýar.