Ozarbayjonning 2027-yil davlat byudjeti Milliy Majlisda muhokamaga chiqariladi

Ozarbayjon Milliy Majlisida “Ozarbayjon Respublikasining 2027-yil davlat byudjeti toʻgʻrisida”gi qonun loyihasini muhokama qilish boshlanadi. Trend xabar berishicha, loyiha noyabrning 4-kuni parlamentning Iqtisodiy siyosat, sanoat va tadbirkorlik qoʻmitasida muhokamaga chiqariladi.

Loyihaga koʻra, davlat byudjetining daromadlari 39 milliard 254 million manat, xarajatlari esa 42 milliard 400 million manat etib belgilangan. 3 milliard 146 million manatlik kamomad xususiylashtirish va boshqa manbalardan tushumlar, ichki va tashqi qarzlar hisobiga, shuningdek 2027-yil 1-yanvarga byudjetning mavjud erkin qoldigʻi hisobidan moliyalashtiriladi. Eng katta daromad manbalari qoʻshilgan qiymat soligʻi (9 milliard 386 million manat), yuridik shaxslarning foyda soligʻi (6 milliard 983 million manat) va jismoniy shaxslarning daromad soligʻi (3 milliard 70 million manat).

Xarajatlarda iqtisodiy faoliyatga 8 milliard 907,3 million manat, mudofaa va milliy xavfsizlikka 8 milliard 816,4 million manat, taʼlimga 5 milliard 99 million manat, ijtimoiy himoya va ijtimoiy taʼminotga 4 milliard 914 million manat, sogʻliqni saqlashga esa 2 milliard 84,1 million manat ajratilishi nazarda tutilgan.