Şawkat Mirziýoýew Buharada 55 taslamany ulanmaga berdi, 90 taslamanyň gurluşygyny başlatdy

Özbegistanyň Prezidenti Şawkat Mirziýoýew Buhara welaýatynda täze obýektleriň ulanmaga berilmegi we käbir taslamalaryň gurluşygynyň başlanmagy dabarasyna gatnaşdy. Döwlet baştutanynyň matbugat gullugynyň habaryna görä, programma umumy bahasy 7,8 milliard dollar bolan 145 taslamany öz içine alýar.

Taslamalar nebit-himiýa, tekstil, gurluşyk materiallary, maşyn önümçiligi, energetika, magdan senagaty, dermançylyk, sanly tehnologiýalar, logistika, oba hojalygy, azyk, jaý gurluşygy, infrastruktura, hyzmatlar we turizm pudaklaryny gurşaýar. 654 million dollar bahasy bolan 55 taslama ulanmaga berilýär, 7,1 milliard dollar bahasy bolan 90 taslamanyň gurluşygyna başlanýar. Taslamalara ABŞ, Kanada, Germaniýa, Ýaponiýa, Hytaý, Türkiýe, Russiýa, Hindistan we beýleki ýurtlaryň maýadarlary, şeýle hem Aziýa ösüş banky gatnaşýar.

Çaklamalara görä, taslamalar 14 müňden gowrak iş orny döreder, ýylda 22 trillion som bahasy bolan önüm öndürmegi üpjün eder we 510 million dollarlyk eksport getirer. Mirziýoýew şeýle diýdi: “Biziň ýeke-täk maksadymyz — import ornuny tutjak we daşary bazarlarda isleg bolan önümleri öndürmek”.