Ozarbayjon 2027-yil byudjeti: umumiy xizmatlarga 5,5 milliard manat

Ozarbayjon moliya vaziri Sohil Boboyev 2027-yilda umumiy xarakterdagi davlat xizmatlariga 5,5 milliard manat sarflanishi prognoz qilinayotganini maʼlum qildi. AZERTAC xabariga koʻra, bu summa byudjetning 13 foizini tashkil etadi. Vazirning soʻzlariga koʻra, 2023–2027-yillarda funksional tasnif boʻyicha xarajatlar 1,8 milliard manatga oshadi.

Boboyev bu haqda 2027-yil davlat byudjeti toʻgʻrisidagi qonun loyihasini parlamentning iqtisodiy siyosat, sanoat va tadbirkorlik qoʻmitasi majlisida birinchi oʻqishda taqdim etar ekan aytdi. Uning maʼlumotiga koʻra, keyingi yilda mudofaa va milliy xavfsizlikka sarflanadigan xarajatlar 8,8 milliard manat darajasida prognoz qilinmoqda, bu davlat byudjeti xarajatlarining 20,8 foizini tashkil etadi.

Vazir bu xarajatlar besh yil oldingi koʻrsatkichga nisbatan 3 milliard manatga, yaʼni 51 foizga oshganini qayd etdi. Uning fikricha, bu davlatning mudofaa qobiliyati va milliy xavfsizligini mustahkamlashga bergan ahamiyatini koʻrsatadi.