Ozarbayjon 2027-yil byudjetida ijtimoiy nafaqalarga 280,63 million manat ajratadi

Trend xabariga koʻra, 2027-yilda majburiy davlat ijtimoiy sugʻurta badallari hisobidan toʻlanadigan nafakalar uchun 280,63 million manat mablagʻ rejalashtirilgan. Bu summa 2027-yil davlat byudjeti toʻgʻrisidagi qonun loyihasida aks etgan. Hujjatga koʻra, u 2026-yilning tasdiqlangan prognozidan 77,06 million manat yoki 37,85 foizga koʻp.

Mablagʻlar bola tugʻilishi nafakasiga (84 million manat), homiladorlik va tugʻishga nafakaga (77,34 million manat), mehnatga layoqatning vaqtincha yoʻqolishi nafakasiga (47,38 million manat), dafn nafakasiga (50,5 million manat) hamda 3 yoshgacha boʻlgan bolani parvarish qilish nafakasiga (21,39 million manat) yoʻnaltiriladi. Prognozlarga koʻra, 2027-yilda bola tugʻilishi nafakasini 56 004 kishi oladi va har bir bola uchun 1 500 manat toʻlanadi.

Dafn nafakasini 42 879 kishi olishi kutilmoqda. Parvarish nafakasini 24 870 kishi oladi, oylik oʻrtacha miqdor 100 manat deb belgilangan. Vaqtincha mehnatga layoqatsizlik nafakasini 37 538 kishi oladi, oʻrtacha 23,6 kun va kunlik oʻrtacha daromad 53,50 manat hisoblangan.