Qozogʻistonda dollar 450 tengedan pastga tushdi, yevro 500 ga yaqinlashdi

Qozogʻistonda AQSh dollari bugun Qozogʻiston fond birjasida (KASE) yana 450 tengedan pastga tushdi. Yevro 500 tengega yaqinlashdi. NUR.KZ maʼlumotiga koʻra, valyuta ayirboshlash shoxobchalarida ham kurslar pasaydi.

Hafta oxirida dollarning oʻrtacha tortilgan kursi 447,14 tengega tushdi va bir kunda 4 tengedan ortiq arzonlashdi. Oldingi payshanba kuni dollar 453,71 tenge edi. Yevroning oʻrtacha qiymati esa bir kunda 7 tenge kamayib, 500,15 tengeni tashkil etdi.

Kurs.kz maʼlumotlariga koʻra, Astanada dollar 446 tengega sotib olinib, 453 tengeda sotilmoqda. Olmaotada xarid narxi 442,7–448,3 tenge oraligʻida. Qozogʻiston moliyachilari assotsiatsiyasi ichki omillar qatorida Milliy bankning, eksportchilar va KGS subyektlarining valyuta sotuvini, tashqi omillar qatorida esa neft narxlarining oshishi va dollar indeksining pasayishini qayd etdi.