Toʻktogʻulda 2030-yilgacha 20 ta bogʻcha va 9 ta maktab quriladi

Qirgʻiziston Jalolobod viloyatining Toʻktogʻul tumanida va Toʻktogʻul shahrida 2030-yilgacha bir qator yirik infratuzilma va ijtimoiy loyihalarni amalga oshirish rejalashtirilgan. Kabar axborot agentligining 2026-yil 24-oktabrdagi xabariga koʻra, bu haqda prezident Sadyr Japarov Jalolobod viloyatiga ish safari davomida maʼlum qilgan.

Yaqin yillarda hududda taʼlim, sogʻliqni saqlash va kommunal tarmoqlarni rivojlantirishga alohida eʼtibor qaratiladi. Rejalashtirilgan obʼyektlar orasida 9 ta maktab, 20 ta bogʻcha va 5 ta sport zali, shuningdek, 2 ta kasalxona hamda 5 ta feldsher-akusherlik punkti (FAP) bor.

Suv va qishloq xoʻjaligi yoʻnalishida aholini toza ichimlik suvi bilan taʼminlash boʻyicha 18 ta loyiha amalga oshiriladi, qishloq xoʻjaligini rivojlantirish uchun esa 11 ta sugʻorish kanali quriladi. Shuningdek, Toʻktogʻul shahrida zamonaviy talablarga javob beradigan yangi shahar bozori va boshqa muhim ijtimoiy-iqtisodiy obʼyektlar qurilishi nazarda tutilgan.