Qozogʻiston Mudofaa vazirligi harbiy islohot boshlanganini maʼlum qildi

Qozogʻiston Mudofaa vazirligi armiya tuzilmasi, boshqaruv tizimi, tayyorgarlik, xizmat tartibi va harbiylarning huquqlarini himoya qilishni qamrab oluvchi harbiy islohot boshlanganini maʼlum qildi. Vazirlik xabariga koʻra, davlat rahbari zamonaviy, harakatchan va texnologik armiya shakllantirish vazifasini qoʻygan. Harbiy xizmat xavfsizligi, qoʻmondonlik madaniyati va davlat resurslaridan samarali foydalanishga alohida eʼtibor qaratiladi.

Islohotning asosiy oʻzgarishi – ikki bosqichli majburiy harbiy xizmatga oʻtish. Bir chaqiriq yangi askarlari dastlabki olti oyni oʻquv markazlarida oʻtkazadi, u yerda asosiy harbiy bilim, jismoniy chiniqish va til oʻrganish, sunʼiy intellekt koʻnikmalari hamda fuqarolik kasblarini egallash imkoniyatiga ega boʻladi. Keyingi olti oy qismlarda xizmat qilinadi. Model avval 'Sarbaz+' loyihasida qisman sinovdan oʻtkazilgan. Pilot loyiha 2027-yilda boshlanadi.

Harbiylar huquqlarini himoya qilish uchun qism qoʻmondonligiga bogʻliq boʻlmagan harbiy maslahatchilar instituti tashkil etiladi. Ovqatlanish, kiyim-kechak, kazarmalar, oʻquv obyektlari va poligonlarni taʼmirlash ustuvor yoʻnalishlar qatorida. 2027-yildan 'Jas Aybyn' nomli yagona harbiy-vatanparvarlik tarbiyasi tizimi ishga tushadi. Tashkiliy choralar yil oxirigacha, asosiy konseptual oʻzgarishlar esa oʻrta muddatda amalga oshirilishi rejalashtirilgan. Vazirlik islohot haqida jamoatchilikni xabardor qilishda davom etadi.