Qozogʻiston tengesi yil boshidan AQSH dollariga nisbatan 12,2% kuchaydi

Yil boshidan buyon Qozogʻiston tengesi AQSH dollariga nisbatan 12%dan ortiq kuchaydi. 24KZ xabariga koʻra, bu jahondagi xomashyo iqtisodiyotlari orasida eng yaxshi natija. Milliy bankning rasmiy kursiga koʻra, dollar 502 tenge 57 tiyindan deyarli 448 tengega tushdi. Undan keyin Braziliya reali va Norvegiya kronasi oʻsish surʼati boʻyicha keldi; Avstraliya dollari 4,5%, Janubiy Afrika randi 1% qimmatlashdi. Kanada dollari, Rossiya rubli va Meksika pesosi salbiy dinamikani koʻrsatdi.

Tahlilchilar tengening mustahkamlanishini toʻlov balansining yaxshilanishi bilan bogʻlaydi. Milliy bank maʼlumotlariga koʻra, yilning birinchi yarmida joriy hisob 2 milliard 400 million dollar profitsit bilan yakunlandi; bir yil oldin esa 3 milliard 600 million dollar defitsit boʻlgan. Tovar eksporti chorakdan koʻproqqa oshib, 48,5 milliard dollarga yetdi, importi deyarli 6% oshib, 32 milliard dollarni tashkil etdi. Yuqori neft narxlari va tenge aktivlarining daromadliligi ham valyutani qoʻllab-quvvatlamoqda. Qozogʻiston moliyachilari assotsiatsiyasi maʼlumotlariga koʻra, yil boshidan beri norezidentlarning davlat qimmatli qogʻozlariga kiritgan mablagʻlari deyarli 38% oshgan.