Turkmaniston Gaz eksport qiluvchi davlatlar forumining sakkizinchi sammitida ishtirok etdi

Turkmaniston 2026-yil 27-oktabrda Moskvada oʻtkazilgan Gaz eksport qiluvchi davlatlar forumining (GEQF) aʼzo davlat va hukumat rahbarlarining sakkizinchi sammitida mehmon sifatida ishtirok etdi. Bu haqda Turkmaniston Tashqi ishlar vazirligi xabar berdi.

Turkman delegatsiyasiga davlat vaziri, «Turkmengaz» Davlat konserni raisi Maksat Babayev boshchilik qildi. Sammitda tabiiy gazning global energetik xavfsizlikdagi roli hamda jahon bozorlariga ishonchli yetkazib berishni taʼminlash uchun xalqaro hamkorlikni mustahkamlash masalalari muhokama qilindi.

Xabarga koʻra, dunyodagi eng yirik tabiiy gaz resurs bazalaridan biriga ega Turkmaniston gaz konlarini masʼuliyat bilan oʻzlashtirish, zamonaviy infratuzilmani rivojlantirish, gazni qayta ishlash, gaz-kimyo ishlab chiqarishini kengaytirish va texnologik innovatsiyalarni joriy etish siyosatini yuritmoqda. Mamlakatning uzoq muddatli energetika strategiyasi ishlab chiqarish quvvatlarini oshirish, eksportni kengaytirish va energiya resurslarini diversifikatsiya qilishga qaratilgan. Sammit yakunida Moskva deklaratsiyasi qabul qilindi.