Türkmənistan Qaz İxrac Edən Ölkələr Forumunun 8-ci sammitində iştirak etdi

Türkmənistan 27 oktyabr 2026-cı ildə Moskvada keçirilən Qaz İxrac Edən Ölkələr Forumunun (QİEÖF) üzv dövlət və hökumət başçılarının səkkizinci sammitində qonaq qismində iştirak edib. Bu barədə Türkmənistan XİN məlumat yayıb.

Türkmən nümayəndə heyətinə dövlət naziri, Türkmengaz Dövlət Konserninin sədri Maksat Babayev rəhbərlik edib. Sammitdə təbii qazın qlobal enerji təhlükəsizliyindəki rolu və dünya bazarlarına etibarlı tədarük üçün beynəlxalq əməkdaşlığın gücləndirilməsi müzakirə olunub.

Məlumata görə, dünyanın ən böyük təbii qaz ehtiyatlarından birinə malik Türkmənistan qaz yataqlarının məsuliyyətlə işlənməsi, müasir infrastrukturun inkişafı, qazın emalı, neft-qazkimya istehsalının genişləndirilməsi və texnoloji yeniliklərin tətbiqi istiqamətində siyasət yeridir. Ölkənin uzunmüddətli enerji strategiyası istehsal gücünün artırılmasına, ixracın genişləndirilməsinə və enerji resurslarının diversifikasiyasına yönəlib. Sammitin yekununda Moskva Bəyannaməsi qəbul edilib.