Japarov hududlardagi safarlari saylov targʻiboti ekanini rad etdi

Qirgʻiziston Prezidenti Sadir Japarov, hududlarga qilgan safarlari rasmiy boʻlmagan saylov kampaniyasi ekani haqidagi bayonotlarga javob berdi. Super.kg nashriga bergan intervyusida u qonunga koʻra, xalq tomonidan saylangan prezident saylovlar davomida ham vazifalarini davom ettirishini va davlat tizimi ishi toʻxtab qolmasligi uchun bu zarurligini eslatdi.

Japarov, hozirgi maqomini 2021-yil bilan aralashtirmaslikni soʻradi. Oʻsha yili u bosh vazir boʻlgan paytda prezident vazifasini bajaruvchi vakolatlaridan voz kechgan edi.

Rejalashtirilgan hudud safarlari noyabrda yakunlanishini aytgan Japarov, uchrashuvlarda oʻziga ovoz berishga chaqirmasligini, fuqarolarning muammolarini tinglayotganini va hokimiyat organlari ishini tekshirayotganini bildirdi. U, shuningdek, 2027-yil 27-yanvarda adolatli saylovlar boʻlishini va maʼmuriy resursdan toʻliq voz kechilishini kafolatladi.