Qozogʻiston va Turkiya savdo aylanmasini 15 milliard dollarga oshirishni rejalashtirmoqda

Qozogʻiston Prezidenti Qosim-Jomart Tokayev Turkiya kompaniyalarini qoʻllashga va ularning biznesi uchun qulay sharoit yaratishga tayyor ekanini aytdi. U bu fikrlarini kengaytirilgan tarkibdagi muzokaralarda Turkiya Prezidenti Rajab Toyyip Erdoʻgʻan bilan oʻtkazgan uchrashuvda bildirdi. Tokayevning soʻzlariga koʻra, Turkiya Qozogʻistonning eng yirik beshta savdo hamkoridan biri va iqtisodiyotiga eng koʻp sarmoya kiritgan oʻnta davlat qatoriga kiradi.

Tokayev Erdoʻgʻanning may oyida Qozogʻistonga tashrifi davomida tomonlar muhim kelishuvlarga erishgani va savdo-iqtisodiy, investitsiya hamda madaniy-insonparvarlik sohalarida loyihalarni ishga tushirgani haqida gapirdi. Erdoʻgʻan esa savdo aylanmasini 15 milliard dollarga yetkazish va investitsiya hamkorligini faollashtirish niyatini bildirdi. Uning soʻzlariga koʻra, bu maqsadlar keyingi Strategik hamkorlik kengashi yigʻilishida amaliy qadamlar bilan mustahkamlanadi.

Muzokaralarda transport va logistika, energetika, sunʼiy intellekt, qishloq xoʻjaligi, mudofaa sanoati hamda madaniy-insonparvarlik aloqalari muhokama qilindi. Tokayev, shuningdek, 13-Turkiy davlatlar tashkiloti sammitida birgalikda ishtirok etishlari va COP31 iqlim forumida Antaliyada qatnashish niyati borligini aytdi. Prezidentlar ikki xalqning milliy bayramlari bilan tabrikladi.