ShKTR: Kipr turk xalqi orol atrofidagi tabiiy boyliklarning birgalikdagi egasi

Shimoliy Kipr Turk Respublikasi Tashqi ishlar vazirligi Kipr turk xalqi orol va uning atrofidagi dengizlardagi tabiiy boyliklarning birgalikdagi egasi ekanini taʼkidladi. Vazirlik bayonotida Rum maʼmuriyatining Kipr turk xalqini vakil qilish va bu boyliklar yuzasidan uning nomidan qaror qabul qilish vakolati yoʻqligi qayd etildi.

Bayonotda Janubiy Kipr Rum maʼmuriyati 26 oktyabrda Italiyaning ENI kompaniyasi bilan “Kronos” gaz konini ishga tushirishga qaratilgan shartnomalar imzolagani eʼlon qilinganiga javob berildi. Vazirlik bu qadamni Kipr turk xalqining orol tabiiy boyliklari ustidagi ajralmas huquqlarini eʼtiborsiz qoldirib davom ettirilayotgan bir tomonlama uglevodorod faoliyatining soʻnggi misoli deb atadi.

Bayonotda Rum maʼmuriyati bilan hamkorlik qilayotgan xalqaro kompaniyalar orol va mintaqadagi siyosiy haqiqatlarni hisobga olishga hamda Kipr turk xalqi huquqlarini poymol qiluvchi tashabbuslarda ishtirok etishning “salbiy” oqibatlarini eʼtiborga olishga chaqirildi. KKTR Turkiya bilan toʻliq muvofiqlashtirish va hamjihatlikda Sharqiy Oʻrtayer dengizidagi qonuniy huquq va manfaatlarini qatʼiyat bilan himoya qilishda davom etishi taʼkidlandi.