Aliyev: Suverenitet va xalqaro huquqqa hurmat Ozarbayjonning asosiy tamoyili

Ozarbayjon Prezidenti Ilhom Aliyev 2026-yil 27-oktabrda Bokuda boʻlib oʻtgan VII Jahon madaniyatlararo muloqot forumining ochilish marosimidagi nutqida xalqaro huquqni tanlab qoʻllash va qoʻsh standartlarni tanqid qildi. Uning fikricha, huquq siyosiy manfaatlarga boʻysundirilganda adolat mezoni oʻz xolisligini yoʻqotadi va davlatlarning huquq oldidagi tengligi formal tamoyilga aylanadi.

Nutqda Ozarbayjonning xalqaro miqyosda tan olingan hududlarining taxminan 20 foizi bosib olingani, deyarli bir million ozarbayjonlik oʻz yurtidan quvilgani va Qarabogʻda 65 ta masjid vayron qilingani eslatildi. BMT Xavfsizlik Kengashi 1993-yilda qabul qilgan toʻrtta qarorning yillar davomida ijro etilmagani aytildi. Aliyev Ozarbayjon hudud yaxlitligi va suverenitetini tiklaganini, biroq mojaroning tugashi adolatsizlik muammolarini bartaraf etmaganini taʼkidladi.

Aliyev hech kim mustaqil davlatlarga qanday yashashni oʻrgatishga urinishini qabul qilib boʻlmasligini bildirdi. U suverenitetni davlatning siyosiy, iqtisodiy, ijtimoiy va madaniy taraqqiyot modelini mustaqil belgilash huquqi sifatida taʼrifladi hamda davlatlarning bir-birining ichki ishlariga hurmat qilishi oʻzaro majburiyat ekanini taʼkidladi.