Qirgʻiziston Bosh vaziri Adilbek Kasimaliyev Qozogʻiston Bosh vaziri Oljas Bektenov bilan uchrashdi

Qirgʻiziston Vazirlar Mahkamasi raisi Adilbek Kasimaliyev rasmiy tashrif bilan mamlakatga kelgan Qozogʻiston Bosh vaziri Oljas Bektenov bilan tor tarkibda ikki tomonlama uchrashuv oʻtkazdi. Uchrashuvda tomonlar ikki tomonlama hamkorlikning dolzarb masalalarini muhokama qildi.

Kasimaliyev ikki davlat rahbarlarining siyosiy irodasi tufayli davlatlararo hamkorlik barqaror rivojlanayotgani va yangi turtki olgani haqida taʼkidladi. Doimiy siyosiy muloqot olib borilayotgani, savdo-iqtisodiy, madaniy va gumanitar aloqalar kengayayotganini qayd etdi. U, shuningdek, ikki mamlakat oʻrtasidagi strategik sheriklik va ittifoqchilik munosabatlarini mustahkamlashga hissa qoʻshishiga ishonch bildirdi. Ikkinchi Qirgʻiz-Qozoq hududlararo forumi hamda Qirgʻiz-Qozoq hukumatlararo kengashi yigʻilishining ahamiyatiga toʻxtaldi.

Bektenov iliq kutib olinganligi uchun minnatdorchilik bildirdi va Qozoq tomoni hamkorlikni kengaytirish hamda qoʻshma tashabbuslarni amalga oshirishga tayyorligini aytdi. Uchrashuvda savdo-iqtisodiy, investitsiya, transport, logistika, energetika hamda madaniy-gumanitar sohalar muhokama qilinib, hududlararo aloqalar boʻyicha fikr almashildi.