Qozogʻiston: Tokayev eng kam ish haqini 110 ming tengega oshiradi

Qozogʻiston Prezidenti Qosim-Jomart Tokayev xalqqa yillik murojaatida eng kam ish haqini 1 yanvardan 85 ming tengedan 110 ming tengaga oshirishni topshirganini maʼlum qildi. Uning bahosicha, bu 1,8 million fuqaroning daromadini oshiradi.

Tokayev, shuningdek, Milliy fonddan taxminan 6,5 trillion tengeni infratuzilma va ijtimoiy loyihalarga ajratishni soʻradi. “Xalq qurilishi” tashabbusi doirasida taxminan 70 ta sogʻliqni saqlash, 50 ta taʼlim va sport obyekti, shuningdek, yoʻllar va energetika loyihalari qurilishi nazarda tutilgan. Ustuvor yoʻnalishlar orasida sunʼiy intellekt, transport va energetika quvvatini oshirish bor.

Qozogʻiston 2029-yilgacha energiya profitsitiga erishishi va strategik uran zaxirasini yaratishi kerakligi qayd etildi. Tokayev 2027-yil 1-yanvardan kichik va mikrobiznesni tekshirishga uch yillik moratoriy joriy etishni taklif qildi. Mehnat vazirligi esa oilalarning farovonligini baholashda ipoteka va kredit yukini hisobga oladigan yangi usulni eʼlon qildi.