Turkman rahbari Arkadag aqlli shaharda olib borilayotgan ishlar bilan tanishdi

Turkman xalqining Milliy yetakchisi, Turkmaniston Xalq Maslahati raisi Hero-Arkadag "aqlli" shahar Arkadagga ish safari bilan tashrif buyurdi. Safar davomida shaharda olib borilayotgan ishlar va kuzgi daraxt ekish mavsumiga tayyorgarlik joyida koʻrib chiqildi.

Hero-Arkadag tashabbusi va saʼy-harakatlari bilan qurilgan yangi shaharning barcha sohalarda uygʻun rivojlanish yoʻliga kirgani taʼkidlandi. Yetakchi shaharda har yili minglab koʻchatlar ekilishini va bu ishlar ilmiy asosda amalga oshirilishini aytdi. Prezident Serdar Berdimuhamedov mamlakatni gullagan bogʻga aylantirish masalasiga katta eʼtibor berayotgani qayd etildi.

Hero-Arkadag yangi shahardagi chet tillari maktabi va bolalar bogʻchasi qurilish maydonini ham koʻzdan kechirdi. U yoshlarning daraxt ekish ishlariga faol jalb etilishi muhimligiga eʼtibor qaratdi. Vazirlar Mahkamasi raisi oʻrinbosari T. Atahalliyev berilgan qimmatli tavsiyalar uchun minnatdorchilik bildirdi.