Qozogʻiston 2029-yilgacha 13,3 GVt yangi quvvat ishga tushirishni rejalashtirmoqda

Qozogʻiston 2029-yilgacha 13,3 gigavatt (GVt) yangi energiya quvvatini ishga tushirishni rejalashtirmoqda. Bu haqda Khabar 24 24KZʼga tayanib xabar bergan. Rejalashtirilgan hajmning yarmidan koʻpi anʼanaviy energiya manbalariga, 5,9 GVt esa qayta tiklanadigan manbalarga toʻgʻri keladi.

Energetika vaziri Erlan Akkenjenov bu haqda Kurultaydagi qoʻmita majlisida maʼlum qilgan. Uning soʻzlariga koʻra, bu generatsiya quvvatlarida 20 foizli profitsit yaratadi.

Oʻrta va uzoq muddatda esa iqtisodiyotning elektr energiyasiga boʻlgan ehtiyojini qondirish hamda mamlakat raqamlashtirilishi bogʻliq boʻladigan yirik data-markazlar ishini taʼminlash rejalashtirilgan.