Qozogʻistonda Balxash AESi qurilishi 2027-yilda boshlanishi rejalashtirilmoqda

Qozogʻistonda Balxash atom elektr stansiyasida qurilish ishlarini 2027-yilda boshlash rejalashtirilgan. Atom energiyasi agentligi raisi Almasadam Satkaliyev Kurultoy majlisida ikkinchi stansiya Moyinkum uchun qurilish hududi belgilanganini maʼlum qildi.

Satkaliyevning soʻzlariga koʻra, Balxash maydonchasida muhandislik-qidiruv ishlari yakunlanmoqda. 2026-yil may oyida loyihaning asosiy shartlari va moliyalashtirishi boʻyicha hukumatlararo kelishuvlar imzolangan, iyun oyida ular ratifikatsiya qilingan. Sentyabr oyida EPC shartnomasi tuzilgan. Moyinkum uchun Olmaota viloyatining Jambul tumani tanlangan va loyiha boʻyicha hukumatlararo hujjatlar tayyorlanmoqda.

Agentlikning maʼlumotiga koʻra, 2050-yilgacha boʻlgan atom sanoati strategiyasi kamida 150 ming tonna uranni zaxiraga olishni nazarda tutadi. Birinchi stansiya qurilishida mahalliylashtirish koʻrsatkichi 30 foizga yetkazilishi moʻljallangan. Bitta stansiya qurilishining eng yuqori bosqichida 10 mingdan ortiq xodim talab qilinishi hisoblangan.