Qirgʻiziston koʻmirni avtomobilda eksport qilishni olti oyga taqiqlashni taklif qildi

Qirgʻiziston Respublikasi Vazirlar Mahkamasi koʻmirni avtomobil transporti orqali eksport qilishni olti oy muddatga vaqtincha taqiqlashni taklif qilmoqda. «Koʻmir tashishning ayrim masalalari toʻgʻrisida» qaror loyihasi Energetika vazirligi tomonidan jamoatchilik muhokamasiga qoʻyildi.

Loyihaga koʻra, asosiy maqsad mamlakat energetik xavfsizligini taʼminlash, kuz-qish davrida ichki bozorda qattiq yoqilgʻi tanqisligining oldini olish va aholi uchun narx oshishini cheklashdir. Asoslash hujjatida 2026-yilda shunga oʻxshash taqiqlarning samarali boʻlgani va ijtimoiy jihatdan himoyaga muhtoj fuqarolarni koʻmir bilan arzon narxda taʼminlashga imkon bergani qayd etilgan.

Loyihada bir qator istisnolar nazarda tutilgan. Taqiq davlat kompaniyasi Kyrgyzkömürʼga tatbiq etilmaydi; avtomobil eksporti Xitoy chegarasidagi Irkeshtam — Avtoyoʻl va Torugʻart — Avtoyoʻl chegara postlari orqali davom etadi. Vazirlik maʼlumotiga koʻra, 2026-yil 1-yanvardan 20-oktabrgacha Kyrgyzkömür orqali avtomobil transportida taxminan 539 ming tonna koʻmir, 3 milliard somdan ortiq qiymatda eksport qilingan; davlat kompaniyasining foydasi taxminan 126,5 million som boʻlgan. Avtomobil eksportida monopoliyaning joriy etilishi davlatga chet elga yetkazib beriladigan hajm ustidan samarali nazoratni saqlab qolish imkonini beradi.