Qirgʻiziston: Japarov moliyaviy imkoniyat boʻlsa, minimal pensiya 80 ming somgacha oshishi mumkinligini aytdi

Qirgʻiziston prezidenti Sadir Japarov moliyaviy imkoniyat boʻlsa, davlat pensionerlarga hozirgi 8 ming 800 som oʻrniga 80 ming som pensiya toʻlashi mumkinligini bildirdi. Japarov bu fikrni Talas viloyati aholisining pensiyasini 15 ming somgacha oshirish va yuqori pensiya oluvchi sobiq prokurorlarning toʻlovlarini kamaytirish taklifiga javob berayotganda aytdi.

Davlat rahbarining soʻzlariga koʻra, Qirgʻizistonda qariyb 900 ming pensioner bor, ishlayotganlar soni esa atigi 300 ming kishi. Japarov besh yil oldin pensiya taxminan 700 som atrofida boʻlganini, hozir esa minimal pensiya 8 ming 800 somga yetganini eslatdi va pensiyalar har yili oshirilayotganini qayd etdi.

Japarov, shuningdek, qariyb 450 sudyaning maoshini oshirish masalasiga toʻxtaldi. U maosh oshirishning korrupsiya xavfini kamaytirishga qaratilganini aytdi.