Қазақстанда 200 жаңа өнеркәсіптік кәсіпорын іске қосылады

Қазақстанда шамамен 200 жаңа өнеркәсіптік кәсіпорынды іске қосу жоспарланып отыр. Жобалардың жалпы құны шамамен 1 трлн 700 млрд теңге болады. Бұл туралы Премьер-Министрінің бірінші орынбасары Нұрлыбек Налыбаев мәлім етті.

Тоғыз айда өңдеу өнеркәсібі 8,6%-ға өсті. Өндіріс көлемі 24 трлн теңгеден асты. Ең айқын өсім машина жасау, химия өнеркәсібі және фармацевтикада тіркелді.

Налыбаевтың айтуынша, басты міндеттердің бірі – импорттан тәуелділікті азайту және отандық өнім шығаруды арттыру. Мемлекет жоғары экономикалық тиімділігі бар жобаларды қолдауды көздейді. Жаңа кәсіпорындарды іріктеу кезінде өнімге сұраныс, қолданыстағы өндірістің жүктемесі және ресурстардың қолжетімділігі ескеріледі. Ірі кәсіпорындарды шағын және орта бизнеспен бір өндіріс тізбегіне біріктіретін өнеркәсіптік кластерлерді дамыту жоспарланып отыр.