Әзербайжан 2027 жылғы бюджетте аз қамтылған отбасыларға 470 млн манат бөледі

Баку, 5 қараша. Әзербайжанның Еңбек және халықты әлеуметтік қорғау министрі Анар Әлиев Милли Мәжілістің Еңбек және әлеуметтік саясат комитеті мен Экономикалық саясат, өнеркәсіп және кәсіпкерлік комитетінің бірлескен отырысында «2027 жылға арналған Мемлекеттік әлеуметтік қорғау қорының бюджеті туралы» заң жобасы талқыланған кезде сөз сөйледі. AZERTAC хабарлады.

Министр келесі жылы аз қамтылған отбасыларды қолдауға бағытталған нысаналы мемлекеттік әлеуметтік көмекке 470 млн манат бөлу жоспарланғанын айтты. Сақтандыру зейнетақы жүйесіндегі мемлекеттік бюджет міндеттемелерін қаржыландыру үшін 1 млрд 600 млн манат көзделген.

Ол міндетті медициналық сақтандыру аясында мемлекеттік бюджет қаражаты есебінен төленетін сақтандыру жарналарына келесі мемлекеттік бюджетте 1 млрд 100 млн манат бөлу жоспарланғанын атап өтті. Сондай-ақ жұмыссыз адамдардың әлеуметтік қорғалуы мақсатында жүзеге асырылатын ақылы қоғамдық жұмыстарды қаржыландыруға келесі жылдың бюджетінде 133,5 млн манат көзделгенін қосты.