Қазақстанда 2030 жылға дейінгі бағалы қағаздар нарығын дамыту жоспары ұсынылды

Қазақстанның банк секторы тұрақтылығын сақтап отыр. Жылдың басынан бері банктердің активтері шамамен 9%-ға өсіп, 76 трлн теңгеге жетті, экономиканы кредиттеу көлемі 43 трлн теңгеге жетті. Бұл туралы Қаржы нарығын реттеу және дамыту агенттігінің басшысы Мадина Абылқасымова хабарлады.

Абылқасымова бүгін Құрылтай депутаттарына 2030 жылға дейінгі бағалы қағаздар нарығын дамыту бағдарламасын ұсынды. Бағдарламаның басты мақсаты банк кредиттерімен қатар экономикаға ұзақ мерзімді қаржыландыру тарту мүмкіндіктерін кеңейту. Құжатта жеті стратегиялық бағыт және 35 бастама бар. Институционалдық инвесторлардың рөлі күшейтіліп, зейнетақы активтерін басқару тәсілдері жетілдіріледі.

Компаниялардың бағалы қағаздар нарығына шығуын жеңілдету, бағалы қағаздар шығарылымын жеделдету және орта бизнес үшін икемді орналастыру шарттарын жасау ұсынылып отыр. Инвесторлардың құқықтары қорғалып, биржалардың рөлі күшейтіледі. Депутат Гүлназ Атамқұлова бизнестің акция мен облигация шығарып, азаматтардың қаражатын тарта алуы үшін қандай тетіктер қарастырылғанын зерттеуді мақсат етіп отырғанын айтты.