Өзбекстанда 2029 жылға дейін ірі қара, қой және ешкі импортын ҚҚС-тан босату жоспарлануда

Өзбекстанда кәсіпкерлерге арналған салық жеңілдіктерін кеңейтуді көздейтін заң жобасы қаралуда. Жобаға сәйкес, 2026 жылдың 1 қаңтарынан 2029 жылға дейін ірі қара, қой және ешкі импорты қосылған құн салығынан босатылуы көзделуде. Сондай-ақ, 2030 жылға дейін Халықаралық футбол федерациялары қауымдастығы (ФИФА) және Азия футбол конфедерациясы (AFC) беделді іс-шараларын өткізу жөніндегі жергілікті жұмыс тобының мүшелері табыс салығынан босатылады.

IT Park резиденттері 2040 жылға дейін барлық салықтан босатылады, бірақ бұл жеңілдік төлем ұйымдарына, төлем жүйесі операторларына, электрондық сауда алаңы операторларына, электрондық төлем жүйелеріне және микроқаржы ұйымдарына қолданылмайды. Жобада жібек өндірісіне арналған салық жеңілдіктері, Қарақалпақстан Республикасындағы және экономикалық даму деңгейі бойынша бесінші санатқа енгізілген аудандардағы кейбір кәсіпкерлер үшін төмендетілген салық мөлшерлемелері де бар.

Салық төлеуші камералдық тексеру нәтижелері бойынша талап етілген түсіндірмені немесе нақтыланған салық есебін ұсынса, оның банк шоттарындағы операцияларды тоқтата тұру шарасы салық органдары тарапынан автоматты түрде алынып тасталуы көзделуде. Заң жобасы бірінші оқылымда қабылданды.