Özbəkistanda mal-qara, qoyun və keçi idxalına 2029-cu ilədək ƏDV-dən azadolma planlaşdırılır

Özbəkistanda hazırlanan qanun layihəsi sahibkarlar üçün vergi güzəştlərini genişləndirməyi nəzərdə tutur. Layihəyə görə, 2026-cı il yanvarın 1-dən 2029-cu ilə qədər mal-qara, qoyun və keçi idxalı əlavə dəyər vergisindən azad ediləcək. Həmçinin 2030-cu ilə qədər FIFA və AFC-nin nüfuzlu tədbirlərinin keçirilməsi üzrə yerli işçi qrupunun üzvləri gəlir vergisindən azad olunacaq.

IT Park rezidentləri üçün 2040-cı ilə qədər bütün vergilərdən azadolma nəzərdə tutulur, lakin bu güzəşt ödəniş təşkilatlarına, ödəniş sistemi operatorlarına və mikromaliyyə təşkilatlarına şamil edilməyəcək. Layihə həmçinin ipəkçilik müəssisələri və Qaraqalpaqstan Respublikası ilə iqtisadi inkişaf səviyyəsi beşinci kateqoriyada olan rayonlarda fəaliyyət göstərən bəzi sahibkarlar üçün aşağı vergi dərəcələrini nəzərdə tutur.

Layihədə, vergi ödəyicisi kameral vergi yoxlaması nəticələri üzrə tələb olunan izahatı və ya dəqiqləşdirilmiş bəyannaməni təqdim etdikdə, bank hesablarındakı əməliyyatların dayandırılmasının vergi orqanları tərəfindən avtomatik ləğv edilməsi nəzərdə tutulur. Qanun layihəsi parlamentin aşağı palatasında birinci oxunuşda qəbul edildi.