Қазақстандағы зейнетақы жинақтары бір жылда 10%-ға өсіп, 28 трлн теңгеден асты

Қазақстандықтардың зейнетақы жинақтары бір жылда 10%-ға өсіп, 28 трлн теңгеден асты. Деректерді Бірыңғай жинақтаушы зейнетақы қоры ұсынды, бұл туралы «24KZ» хабарлайды. Жинақтардың негізгі бөлігі міндетті зейнетақы жарналары есебінен қалыптасқан, ал бұл көрсеткіш бір жылда 7%-ға өскен.

Ең жылдам өсім жұмыс берушілердің міндетті жарналарында байқалған. Бұл жүйе елде 2024 жылдың қаңтарынан бері жұмыс істейді. Бір жыл ішінде жинақтар көлемі екі есеге өсіп, шамамен 1,5 трлн теңгеге жеткен.

Ерікті зейнетақы жинақтары соңғы 12 айда 6,4%-ға өсіп, 10 млрд теңгеден асты.