Әзірбайжан: Рамиз Мехтиевке 14 жылға бас бостандығынан айыру жазасы берілді

Әзірбайжанның Президент әкімшілігінің бұрынғы басшысы Рамиз Мехтиевке 14 жыл бас бостандығынан айыру жазасы кесілді. Trend хабарлауынша, мемлекетке қарсы аса ауыр қылмыстар жасады деп айыпталған Мехтиевтің сот ісі аяқталды.

Баку ауыр қылмыстар сотының 2026 жылғы 22 қазандағы үкімімен Мехтиев Әзірбайжан Қылмыстық кодексінің 193-1.3.2, 274, 278.1 және 311.3.3-баптарында көзделген қылмыстарда кінәлі деп танылып, 14 жыл бас бостандығынан айыру жазасына кесілді.

Сот Мехтиевтің денсаулығын және жасын ескеріп, Қылмыстық кодекстің 70-бабына сәйкес бас бостандығынан айыру жазасын тоқтата тұруға шешім қабылдады. Үкімде Мехтиевтің мемлекеттік наградаларынан айыру мәселесін қарау үшін өтініш жіберу көзделген. Сонымен қатар сот Мехтиевтің мүлкін мемлекет пайдасына тәркілеу туралы шешім шығарды.