Қасым-Жомарт Тоқаев Қазақстан халқына Жолдауын жариялады

Президент Қасым-Жомарт Тоқаев «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауын жариялады. Tengrinews тілшісінің хабарлауынша, Тоқаев бұл Жолдаудың мәні де, мазмұны да айрықша екенін атап өтті.

Президент 25 қазанда ұлттық мереке – Республика күнін атап өтілгенін айтты. Осы күні Егемендік туралы декларация қабылданған. Тәуелсіздікке 35 жыл толып жатқанын атап өтіп, бұл тарихи меженің ұлт шежіресінде алатын орны бөлек екенін жеткізді.

Тоқаев биыл наурызда Конституция қабылданғанын еске салды. Оны бірнеше ұрпақ арасындағы қастерлі келісім деп атауға болатынын, ал Конституция 1 шілдеде заңды күшіне еніп, саяси жүйенің түбегейлі жаңғыруына және жаңа билік институттарының құрылуына серпін бергенін айтты. Президенттің айтуынша, бұл мәселе аса маңызды болғанымен, көп сөз айтудың қажеті жоқ.