Тоқаев Қазақстандағы түсті және сирек металдар бойынша шұғыл тапсырма берді

Президент Қасым-Жомарт Тоқаев Қазақстан халқына Жолдауында пайдалы қазбалар бойынша тапсырмалар берді. Бұл туралы NUR.KZ Ақорда сілтемесімен хабарлады. Мемлекет басшысының айтуынша, геологиялық барлау тәсілі түбегейлі қайта қаралуы керек, себебі ескі әдістермен жаңа кен орындарын іздеу қажетті нәтиже бермейді.

Тоқаев Үкіметке аса маңызды металдар бойынша ұлттық басқару жүйесін құруды тапсырды. Жүйеге тау-кен жобаларын ұзақ мерзімді қаржыландыру және отандық кәсіпорындармен офтейк шарттары арқылы кепілдендірілген сұранысты қамту кіруі тиіс. Ұсыныстарды кәсіпкерлермен бірлесіп әзірлеп, жыл соңына дейін ұсыну тапсырылды.

Ол түсті және сирек металдардың ұлттық резервін құру қажеттілігін де атап өтті. Жаңа кәсіпорындар бар жергілікті компаниялар үшін негізсіз кедергі жасамауы керек екенін айтты. Осы орайда Qarmet металлургия зауытын мысалға келтіріп, үш өңірде осыған ұқсас өндірістерді іске қосу жоспарланғанын, бірақ өнімге нарықтық сұраныс бар ма деген сұрақ ашық екенін атап өтті.