Палмас: Грецияның екі F-16 ұшағы мен әскери кемесі Оңтүстік Кипрде тұрақты орналасқан

Оңтүстік Кипрдің қорғаныс министрі Василис Палмас Оңтүстік Кипрде орналасқан Грецияның екі F-16 ұшағы мен бір әскери кемесінің аралда тұрақты орналасқанын мәлімдеді. Филелефтерос және басқа газеттердің жазуынша, Палмас Грецияның «Охи күні» мерекесіне байланысты Салоникте өткен рәсімге қатысып, Греция қорғаныс министрі Никос Дендиаспен кездесті.

Газет кездесуде қауіпсіздік саласындағы халықаралық даму және екі ел арасындағы қорғаныс ынтымақтастығы мәселелері талқыланғанын жазды. Палмас Дифенс РеДифайнд басылымына берген сұхбатында Грециямен әскери ынтымақтастық едәуір артқанын, ал F-16 ұшақтары мен әскери кеменің аралда болуы бұның ең нақты дәлелі екенін айтты. Ол РМММО салтанатты полкінің Грециядағы «Охи күні» іс-шарасына қатысқанын да атап өтті.

Палмас сонымен қатар Оңтүстік Кипрдің қарулану бағдарламасы мен Израильмен ынтымақтастыққа тоқталды. Оның айтуынша, екі күн бұрын Израильмен ашық теңіз кемесін сатып алу туралы келісімге қол қойылған, сондай-ақ РМММО қажеттіліктерін қанағаттандыру үшін Израиль текті басқа қарулану бағдарламалары да күн тәртібінде тұр.