Қазақстан Президенті Тоқаев: Түркі мемлекеттері ұйымы әскери альянсқа айналмайды

Қазақстан Президенті Қасым-Жомарт Тоқаев Түркі мемлекеттері ұйымының (ТМҰ) саммитінде ұйымның әскери альянс емес екенін және болашақта да болмауы керек екенін айтты. Тоқаев мұны Қазақстанның ұстанымы деп атады. Сондай-ақ ол ұйымның негізгі жұмыс бағыттарын айқындауды ұсынды. Оның айтуынша, қазір 60 бағыт бар және кейбір функциялар бір-бірін қайталайды.

Тоқаев ұйымның әскери мәртебесі туралы пікірін мамырда Түркістанда өткен жоғары деңгейдегі кездесуде де білдіргенін еске салды. Ол алдымен ұйымның институционалдық құрылымын нығайту қажет екенін атап өтті. Жоғары деңгейде қол қойылған шарттардың бұзылуы қабылдаузға келмейтінін айтты, бірақ қандай бұзушылықтар туралы екенін нақтылаған жоқ. Сондай-ақ ұйым жанында Тұрақты өкілдер кеңесін құру қажеттігін қайта еске салды.

Сөзін қазақ мақалымен аяқтаған Тоқаев ортақ мақсаттар үшін күш біріктіруге шақырды. Ол өткен жылдан бері ұйымға төрағалық етіп келген Әзербайжанға ұйымның беделін көтерудегі баға жетпес үлесі үшін алғыс айтты. Төрағалық Түркияға өтетінін атап өтті. Құбанышбек Өмуралиевке бас хатшы ретіндегі жұмысы үшін рахмет айтып, жаңа бас хатшы Мирвохид Әзімовке табыс тіледі.