Қазақстан қоғамдық тәртіп пен қауіпсіздік бойынша әлемнің үздік 50 елінің қатарына енді

World Justice Project халықаралық ұйымының жүргізген зерттеуіне сәйкес, Қазақстан қоғамдық тәртібі мен қауіпсіздігі жоғары әлемдегі ең үздік 50 елдің қатарына енді. Ұйым сарапшыларының айтуынша, кейінгі төрт жылда ел қоғамдық тәртіп пен қауіпсіздікті қамтамасыз ету жүйесін айтарлықтай жақсартқан.

Биыл осы көрсеткіш бойынша ел 143 мемлекеттің арасында 41-орынды иеленді. Черногориядан кейін, Барбадостың алдында тұр. Рейтингте Сингапур, Люксембург пен Дания көш бастап тұр, ал Пәкістан соңғы орында. Көрсеткіш азаматтардың қылмыстан, террористік қауіптер мен саяси зорлық-зомбылықтан қорғалу деңгейін, сондай-ақ тұрмыстық қақтығыстарды қамтиды.

Қазақстан бұл индекстегі орнын бірнеше жыл бойы біртіндеп жақсартып келеді. Ел 2023 жылы 44-орынға, 2024 жылы 43-орынға, ал өткен жылы 42-орынға көтерілді. Қауіпсіздік индикаторы Заң үстемдігі индексіндегі сегіз критерийдің бірі. Сондай-ақ ел БҰҰ Даму бағдарламасының есебінде 193 мемлекет арасында 60-орынды алды, ал Жаһандық бейбітшілік индексінде 163 ел арасында бес орынға көтеріліп, 44-орынға ие болды.