Қазақстанда «Ұмай» әйелдер ипотекасының екінші кезеңі басталды: өтінім беру жолы

Қазақстанда «Ұмай» әйелдер ипотекалық бағдарламасының екінші кезеңіне өтінімдерді қабылдау басталды. Отбасы банкінің хабарлауынша, бұл кезеңді іске асыруға 20 млрд теңге бөлінген. Несие сомасы 50 млн теңгеге дейін болуы мүмкін. Жылдық сыйақы мөлшерлемесі 14,8%, ал ЭТМ (ГЭСВ) 16,3–16,8% құрайды.

Бастапқы жарна Астана мен Алматыда 20%-дан, басқа қалаларда 15%-дан басталады. Отбасының орташа айлық таза табысы 1 250 000 теңгеден аспауы керек, ресми табыс соңғы 6 айда расталуы тиіс. Банк еске салғандай, бастапқы жарнаны қарыз алушы өз қаражатынан сатушыға тікелей аударады.

Өтінімді банк кеңесшілері арқылы бейнебайланыс немесе кеңес беру орталығы арқылы беруге болады. Сондай-ақ банктің ресми сайтындағы «Бейнеқызмет» арқылы онлайн өтініш беруге де болады. Несие өтінімін беру үшін отделениеге жеке өзі келу қажет, ал некеде тұратын өтініш берушілер жұбайымен бірге келуі тиіс. Қарыз рәсімдеуге ең көбі екі бірлесіп қарыз алушы тартылуы мүмкін, олардың туыстас болуы міндетті емес.