Өзбекстан ДСУга 2027-жылы мүчө болууну пландап жатат, сүйлөшүүлөр уланууда

Өзбекстан Дүйнөлүк соода уюмуна (ДСУ) мүчө болуу үчүн сүйлөшүүлөрдү 2026-жылы толук аяктап, 2027-жылы мүчө болууну күтүп жатат. Бул тууралуу Өзбекстандын ДСУга кирүү процесси боюнча жумушчу топтун жетекчиси Сун Ё Чой 3-ноябрда Ташкентте өткөн басма сөз конференциясында билдирди.

Жумушчу топ эки жыйын өткөрүп, мүчө мамлекеттердин 400дөн ашык суроосуна жооп бергени жана 30дан ашык документ тапшыргандыгы айтылды. Өзбекстан товарлар жана кызматтар рынокторуна жетүү боюнча мүчө өлкөлөр менен 30дан ашык макулдашууга жеткен. Президент администрациясынын жооптуу кызматкери Искандарбек Генжаев ири мамлекеттик ишканалардын эксклюзивдүү укуктары жокко чыгарылганын жана ачык экспорттук бажы механизми киргизилгенин айтты.

Сун Ё Чой мүчө мамлекеттер процессти колдосо да, сүйлөшүүлөр оной эмес экенин, ар бир өлкөнүн өз кызыкчылыктары бар экенин белгиледи. Өзбекстан процессти 1994-жылы баштаганы менен, акыркы 32 жылда ал бир нече жолу токтоп калган.