Конфликтин алдын алуу арзанга турат: Токаев СВМДА алкагында жаңы механизм сунуштады

Казакстандын Президенти Касым-Жомарт Токаев Азиядагы өз ара аракеттенүү жана ишенимди бекемдөө чаралары боюнча кеңештин (СВМДА) VII саммитинде сөз сүйлөдү. Ал коопсуздук маселеси СВМДА ишинин негизги артыкчылыктарынын бири экенин эскертти.

Токаевдин айтымында, уюм талаш-тартыштарды тынчтык жолу менен жөнгө салууга, куралсыздандырууга жана тынчтыкты бекемдөөгө олуттуу салым кошо алат. Ал БУУ, Шанхай кызматташтык уюму, ТМД жана башка эл аралык институттар менен байланыш орнотуп, СВМДАнын Азияда жана андан тышкары карама-каршылыктарды жеңүүдө активдүү роль ойношу керектигин айтты. Конкреттүү кадам катары ал превентивдик дипломатия механизмин иштетүүнү сунуштады.

«Конфликтин алдын алуу анын кесепеттерин жоюудан натыйжалуураак жана арзаныраак турат», — деди Токаев. Анын айтымында, мындай механизм мүчө өлкөлөргө чечим кабыл алууга туруктуу катышууга жана декларация кабыл алуудан көрө, макулдашылган аракеттерге өтүүгө мүмкүнчүлүк берет. Эске сала кетсек, 14-октябрда Мамлекет башчысы СВМДАнын VII саммитине катышуу үчүн Бакуга иш сапары менен барган.